NGOMA: Msiogope Mziki Umetimia!

Mchezaji  wa Yanga, Donald Ngomaakifanya yake na kocha wake, Hans van Der Pluijm.

Khadija Mngwai,Dar es Salaam

STRAIKA wa Yanga, Donald Ngoma amewaambia mashabiki na wachezaji wenzake kwamba hakuna haja ya kuogopa kucheza mechi nne ndani ya siku kumi kwani wanapaswa kujituma tu ili ushindi upatikane.

Tayari Yanga imeshacheza dhidi ya Ndanda FC, juzi katika Kombe la FA, lakini leo inacheza na Kagera Sugar mchezo wa Ligi Kuu Bara na Jumatano ijayo inapambana na Mtibwa Sugar halafu Jumamosi ndipo icheze na Al Ahly ya Misri mchezo wa Ligi ya Mabingwa Afrika.

Wachezaji wa Yanga wakishangilia.

Yanga yenyewe ilishalalamikia ratiba hiyo ikiamini inainyima muda wa kujiandaa zaidi na mechi dhidi ya Al Ahly ya Misri ambayo inaonekana kuwa ngumu kwao.

Akizungumza na Championi Jumamosi, Ngoma raia wa Zimbabwe alisema siyo jambo la kawaida kwa timu kucheza mechi nne ndani ya siku 10, lakini hawapaswi kulalamika au kuogopa badala yake wanatakiwa kupambana kuhakikisha wanashinda mechi zote.

“Kuhusu kucheza mechi mfululizo siyo jambo la kawaida kwa timu kucheza mechi nne ndani ya siku 10, tunachotakiwa ni kuhakikisha tunafanya vizuri na kushinda.

“Hatuhitaji kulalamika kama wachezaji na tunachotakiwa ni kujituma na kupambana kwa kuonyesha uwezo katika kila mchezo, kwani uwezo huo tunao,” alisema Ngoma.
-Championi

TUPE MAONI YAKO HAPO CHINI
[MATUSI HAYARUSIWI]

Share on Google Plus