Hakuna Cha Karume Dei... HAPA KAZI TU!

Tingatinga likiweka kifusi ndani ya gari kwenye Barabara ya Kijitonyama, Sinza, Dar.

Gari maalumu kwa ajili ya kushindilia udongo likiwa eneo la barabara hiyo.

Taswira ya eneo la barabara inayopita katika Zahanati ya Kijitonyama, Dar.

HUKU leo ikiwa ni siku ya Maadhimisho ya Kumbukumbu ya Mauaji ya Rais wa Kwanza wa Serikali ya Mapinduzi Zanzibar, Abeid Amani Karume yaliyotokea Aprili 7, 1972, Kampuni ya Ujenzi wa Barabara ya Skol Building Contractors Ltd imeonekana ikichapa kazi kama kauli mbiu ya Rais John Magufuli isemavyo ’Hapa Kazi tu’.
Kamera yetu imenasa ujenzi unavyoendelea katika eneo la Barabara ya Kijitonyama, Dar inayopita katika Zahanati ya Kijitonyama.

Mwandishi wetu alikuta ujenzi wa barabara hiyo ukipamba moto, huku magari ya kuondoa kifusi yakiingia na kutoka baada ya kujaza kifusi kilichokuwa kikiondolewa barabarani hapo kwa ajili ya maandalizi ya kuwekwa lami ambapo alizungumza na mkandarasi anayesimamia ujenzi huo Eng. Godson Tenga ambaye alisema:

“Ujenzi huu husimamiwa na kampuni yetu ambayo imekuwa ikijishughulisha na masuala ya ujenzi wa barabara hapa mjini na tenda nyingine mbalimbali.”
Alisema kuwa mradi huo una urefu wa kilomita 2.4 na upo chini ya Halmashauri ya Wilaya ya Kinondoni lakini alidai kuwa kuna changamoto mbalimbali wanazokutana nazo ikiwemo suala la miundombinu ya mabomba ya maji yanayowalazimu kungojea ili kuhamishiwa sehemu nyingine.

Na Denis Mtima/Gpl

TUPE MAONI YAKO HAPO CHINI
[MATUSI HAYARUSIWI]

Share on Google Plus